Bu ilin yanvar-may aylarında Əmək və Əhalinin Sosial Müdafiəsi Nazirliyinin tabeliyindəki DOST Agentliyinin mərkəzlərində 262 581 şəxsə xidmət göstərilib.
2019-cu ilin may ayından ölkəmizdə 5 DOST mərkəzi açılıb və ötən dövrdə bu mərkəzlərdə 913 736 vətəndaşa müraciətləri üzrə xidmətlər göstərilib. Xidmətlərdən vətəndaşların məmnunluq səviyyəsi 98 faiz üzərində olub.
Son 5 ayda 142-Çağrı mərkəzi tərəfindən isə 674 092 zəng cavablandırılıb.
Ötən ay Zəngilan rayonunun Ağalı kəndində ölkəmizdə ilk “Smart DOST” məntəqəsi istifadəyə verilib. Burada vətəndaşlar əmək, məşğulluq, sosial müdafiə və sosial təminat sahəsində onlayn formada 100-dən çox xidmətdən şəffaf, rahat və əlçatan şəkildə faydalana biləcək.
Bu il DOST Agentliyi 5 beynəlxalq mükafatla, o cümlədən Avropa Sosial Şəbəkəsinin Avropa Sosial Xidmətlər Mükafatı ilə təltif edilib, DOST mərkəzləri “Avropa İttifaqı Biznes Mühiti Hesabatı-2021”də təkmil islahat kimi dəyərləndirilib.
Agentlik bu il dünyada məşhur olan LRQA sertifikatlaşdırma (Böyük Britaniya) təşkilatı tərəfindən 4 istiqamət üzrə ISO sertifikatlarına layiq görülüb.
© 2024 DOST - Dayanıqlı və Operativ Sosial Təminat Agentliyi
