Əlilliyi olan şəxslər üçün ixtisaslaşdırılmış sosial xidmət müəssisələri psixi və yüngül formalı əqli pozuntuları ilə əlaqədar əlilliyi yaranan və əlilliklə əlaqədar özünəqulluq qabiliyyəti, habelə qulluq və kömək edə biləcək əmək qabiliyyətli qohumları və ya qanuni nümayəndələri olmayan 18 yaşdan yuxarı şəxslərə sosial xidmətlərin göstərilməsi, onların sosial reabilitasiyasının həyata keçirilməsi üçün nəzərdə tutulmuş stasionar sosial xidmət müəssisələridir. Müəssisələr Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin tabeliyində fəaliyyət göstərir.
Qeyd: Azərbaycan Respublikası Nazirlər Kabinetinin 2013-cü il 22 yanvar tarixli 12 nömrəli Qərarı ilə təsdiq edilmiş “Xəstəlik, əlillik və ya ahıllıqla əlaqədar özünəqulluq qabiliyyəti olmayan şəxslərə qulluq və kömək göstərə biləcək qohumların olmamasının müəyyən edilməsi Qaydası”nın 1.2-ci bəndinə uyğun olaraq səxsə (ailəyə) qulluq və kömək göstərə biləcək qohumlar dedikdə - əmək qabiliyyətli babalar, nənələr, valideynlər, övladlığa götürənlər, doğma və ögey qardaşlar və bacılar, ər-arvad, uşaqlar, övladlığa götürülənlər və nəvələr nəzərdə tutulur.
Hazırda əlilliyi olan şəxslər üçün ixtisaslaşdırılmış 4 sosial xidmət müəssisəsi fəaliyyət göstərir:
1 saylı Psixonevroloji Sosial Xidmət Müəssisəsi
Bakı şəhəri, Xəzər rayonu, Buzovna qəs., Beynəlminəl küç. 20/22
2 saylı Psixonevroloji Sosial Xidmət Müəssisəsi
Şamaxı şəhəri, N.Nərimanov küç. 14
3 saylı Psixonevroloji Sosial Xidmət Müəssisəsi
Göygöl rayonu, Qırıxlı kəndi
4 saylı Psixonevroloji Sosial Xidmət Müəssisəsi
Gəncə şəhəri, Kəpəz rayonu, Qurtuluş küç. 76
Müəssisəyə psixi və yüngül formalı əqli pozuntuları ilə əlaqədar əlilliyi yaranan şəxslər qəbul edilir.
Şəxslərin müəssisəyə qəbulu onların və ya qohumlarının, qanuni nümayəndələrinin (qəyyumu, himayəçisi), bələdiyyələrin, qeyri-hökumət təşkilatlarının, habelə həmin şəxslərin razılığı ilə digər şəxslərin Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinə və ya “DOST” mərkəzlərinə ərizə (bu ərizədə həmçinin onlara qulluq göstərə biləcək yaxın qohumlarının - doğma və ögey qardaşlar, bacılar, ər-arvad, uşaqlar, övladlığa götürülənlər və nəvələrinin olmaması barədə məlumat öz əksini tapmalıdır) ilə müraciətinə əsasən həyata keçirilir.
| Tələb olunan sənədlərin siyahısı | |
| 1 |
Şəxsiyyəti təsdiq edən sənəd |
| 2 |
Yoluxucu xəstəliklərin daşıyıcısı olmaması və psixi sağlamlıq vəziyyəti barədə məlumat göstərilməklə, şəxsin sağlamlığı haqqında tibbi arayış |
| 3 |
Şəxsin yaşayış yeri üzrə qeydiyyatda olan şəxslər barədə müvafiq arayış |
| 4 |
3 x 4 ölçüdə 2 ədəd fotoşəkil |
| 5 |
Şəxslərin əlilliyinin qiymətləndirilməsi barədə tibbi sosial ekspert komissiyasının qərarından çıxarış (bu sənəd elektron informasiya ehtiyatlarından elektron formada əldə etmək mümkün olmadıqa tələb edilir) |
| 6 |
Məhkəmə tərəfindən fəaliyyət qabiliyyəti olmayan hesab edilmiş, özlərinin əsas həyati tələbatlarını müstəqil təmin edə bilməyən çətin həyat şəraitində olan şəxslərin sənədlərinə şəxsin fəaliyyət qabiliyyəti olmayan hesab edilməsi barədə məhkəmənin qanuni qüvvəyə minmiş qərarı və onlara baxmağa borclu olan əmək qabiliyyətli qohumlarının və ya qanuni nümayəndələrinin həmin şəxslərə qulluq edə bilməyəcəkləri barədə ərizələri |
Müəssisələrdə xidmətə götürülmüş əlilliyi olan şəxslər aşağıdakı hallarda müəssisəni tərk edə bilərlər:
Müəssisələrdə əlilliyi olan şəxslərə aşağıdakı sosial xidmətlər göstərilir:
Qeyd: Şəxslərin yataq otaqları ilə təmin edilməsi onların yaşlarına, cinsinə və sağlamlıq vəziyyətlərinə əsasən həyata keçirilir.
Ahıl şəxslər üçün ixtisaslaşdırılmış sosial xidmət müəssisələri ahıllıqla əlaqədar özünəqulluq qabiliyyəti, habelə qulluq və kömək edə biləcək əmək qabiliyyətli qohumları və ya qanuni nümayəndələri olmayan şəxslərə sosial xidmətlərin göstərilməsi, habelə onlarla sosial işin aparılması və şəxslərin sosial reabilitasiyasının həyata keçirilməsi üçün nəzərdə tutulmuş stasionar sosial xidmət müəssisələridir.
Hazırda bu kateqoriyadan olan şəxslər üçün Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin ixtisaslaşdırılmış bir müəssisisəsi - Ahıllar üçün sosial xidmət müəssisəsi fəaliyyət göstərir.
Ünvan: Bakı şəhəri, Sabunçu rayonu, Bilgəh qəsəbəsi, H.Hacıağa küçəsi 24.
Müəssisəyə özünəqulluq qabiliyyətini tamamilə və ya qismən itirmiş, digər müəssisə sakinlərinin həyat və sağlamlığına təhlükə yarada biləcək psixi və əqli pozuntusu və ya yoluxucu xəstəliyi olmayan, habelə qulluq və kömək edə biləcək əmək qabiliyyətli yaxın qohumları və ya qanuni nümayəndələri olmayan ahıl şəxslər qəbul edilirlər.
Şəxslərin müəssisəyə qəbulu onların və ya qohumlarının, qanuni nümayəndələrinin (qəyyumu, himayəçisi), bələdiyyələrin, qeyri-hökumət təşkilatlarının, habelə həmin şəxslərin razılığı ilə digər şəxslərin Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinə və ya “DOST” mərkəzlərinə ərizə (bu ərizədə həmçinin onlara qulluq göstərə biləcək yaxın qohumlarının - doğma və ögey qardaşlar, bacılar, ər-arvad, uşaqlar, övladlığa götürülənlər və nəvələrinin olmaması barədə məlumat öz əksini tapmalıdır) ilə müraciətinə əsasən həyata keçirilir.
| Tələb olunan sənədlərin siyahısı | |
| 1 |
Şəxsiyyəti təsdiq edən sənəd |
| 2 |
Yoluxucu xəstəliklərin daşıyıcısı olmaması və psixi sağlamlıq vəziyyəti barədə məlumat göstərilməklə, şəxsin sağlamlığı haqqında tibbi arayış |
| 3 |
Şəxsin yaşayış yeri üzrə qeydiyyatda olan şəxslər barədə müvafiq arayış |
| 4 |
3 x 4 ölçüdə 2 ədəd fotoşəkil |
Müəssisədə xidmətə götürülmüş şəxslər aşağıdakı hallarda müəssisəni tərk edə bilərlər:
Müəssisəyə qəbul edilmiş şəxslərə aşağıdakı xidmətlər göstərilir:
Qeyd: Şəxslərin yataq otaqları ilə təmin edilməsi onların yaşlarına, cinsinə və sağlamlıq vəziyyətlərinə əsasən həyata keçirilir.
© 2024 DOST - Dayanıqlı və Operativ Sosial Təminat Agentliyi
