İdarə Heyəti sədrinin müşaviri
1977-ci ildə Bakı şəhərində anadan olub.
1997-ci ildə Azərbaycan Universitetinin Bank işinin təşkili ixtisası üzrə bakalavr, 1999-cu ildə Azərbaycan Universitetinin Beynəlxalq iqtisadi münasibətlər ixtisası üzrə magistratura səviyyəsini fərqlənmə diplomları ilə bitirib.
2012-2014-cü illərdə Avstriyanın Vyana İqtisadiyyat Universitetinin İdarəçilik Akademiyasında Layihələrin və proseslərin idarə edilməsi ixtisası üzrə peşəkar magistratura səviyyəsində təhsil alıb.
Müxtəlif dövlət orqanlarında, o cümlədən mərkəzi icra hakimiyyəti orqanlarında, özəl sektorda, habelə tanınmış xarici şirkətlərdə ekspert və rəhbər vəzifələrdə çalışıb, eyni zamanda bir sıra beynəlxalq layihələrin eksperti, layihə koordinatoru və meneceri olub.
13 dekabr 2018-ci il tarixində Dayanıqlı və Operativ Sosial Təminat Agentliyinin İdarə Heyətinin sədri vəzifəsinə təyin edilib.
Yeni Azərbaycan Partiyasının üzvüdür.
Evlidir, iki övladı var.
1961-ci ildə Saatlı rayonunun Əlisoltanlı kəndində anadan olub.
1983-cü ildə Dadaş Bünyadzadə adına Azərbaycan Xalq Təsərrüfatı İnstitutunu mühasibat uçotu ixtisası üzrə bitirib.
1978-1979-cu və 1985-1992-cı illərdə Saatlı rayonu, M.Ə.Sabir adına kolxozda müxtəlif vəzifələrdə (kolxozçu, Mülki Müdafiə Qərargah rəisi, iqtisadçı), 1992-2005-ci illərdə Azərbaycan Respublikasının Silahlı Qüvvələrində müxtəlif vəzifələrdə, həmçinin Müdafiə Nazirliyi Maddi-Texniki İdarəetmə Aparatında Büdcə bölməsinin rəisi vəzifəsində (polkovnik-leytenant hərbi rütbəsində), 2005-2013-cü illərdə Dövlət Sosial Müdafiə Fondunda müxtəlif rəhbər vəzifələrdə, 2013-2016-cı illərdə Azərbaycan Respublikasının Əmək və Əhalinin Sosial Müdafiəsi Nazirliyin yanında Dövlət Sosial Təminatı Xidmətinin rəisi və 2016-2021-ci illərdə Əmək və Əhalinin Sosial Müdafiəsi Nazirliyinin Aparatında müxtəlif vəzifələrdə çalışıb.
28 iyul 2021-ci il tarixində Dayanıqlı və Operativ Sosial Təminat Agentliyinin İdarə Heyəti sədrinin müşaviri vəzifəsinə təyin edilib.
Evlidir, iki övladı var.
1987-ci ildə Naxçıvan Muxtar Respublikasının Şahbuz şəhərində anadan olub.
2009-ci ildə Azərbaycan Dövlət İqtisad Universitetinin Beynəlxalq iqtisadi münasibətlər ixtisası üzrə bakalavr, 2012-ci ildə Azərbaycan Dövlət İqtisad Universitetinin eyni ixtisas üzə magistratura, 2013-cü ildə isə Böyük Britaniya Krallığının Esseks Universitetinin Maliyyə ixtisası üzrə magistratura səviyyəsini bitirib. Hazırda İmtiyazlı İdarəedici Mühasiblər İnstitutunda (CIMA) Strateji idarəetmə səviyyəsi üzrə təhsilini davam etdirir.
2011-2013-cü illərdə Azərbaycan Respublikası İqtisadi İnkişaf Nazirliyinin (indiki İqtisadiyyat Nazirliyi) Beynəlxalq Təşkilatlarla əməkdaşlıq şöbəsində, 2013-2021-ci illər ərzində BP Caspian şirkətinin Maliyyə departamentində müxtəlif vəzifələrdə çalışıb.
1 mart 2021-ci il tarixində Dayanıqlı və Operativ Sosial Təminat Agentliyinin İdarə Heyətinin sədrinin müşaviri vəzifəsinə təyin edilib.
Evlidir, bir övladı var.
1981-ci ildə Bakı şəhərində anadan olmuşdur.
2003-cü ildə Bakı Slavyan Universitetinin Rus dili və ədəbiyyatı ixtisası üzrə bakalavr, 2006-cı ildə Bakı Slavyan Universitetinin eyni ixtisası üzrə magistratura, 2018-ci ildə isə Prezident yanında Dövlət İdarəçilik Akademiyasının Dövlət və Bələdiyyə İdarəetməsi ixtisası üzrə magistratura səviyyəsini bitirib.
2006-cı ildə “Azercell”in Müştəri Xidmətləri təmsilçisi, həmin ildən qrup rəhbəri vəzifəsini icra edib. 2008-2017-ci llərdə Azərbaycan Respublikasının Prezidenti yanında Dövlət Qulluğu Məsələləri üzrə Komissiyada müxtəlif vəzifələrdə çalışıb.
2017-ci ildə Mənzil İnşaatı Dövlət Agentliyinin İctimaiyyətlə Əlaqələr və Protokol sektorunun müdiri, 2017-2019-cu illərdə Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzinin baş məsləhətçisi olub, 2018-ci ildən “UNEC Business School”da mühazirəçi kimi fəaliyyət göstərir.
2019-cu ilin yanvar ayından etibarən Dayanıqlı və Operativ Sosial Təminat Agentliyinin Risklərin idarə edilməsi və daxili nəzarət departamentinin direktoru, 23 aprel tarixindən 1 saylı Bakı DOST Mərkəzinin direktoru, 28 dekabr tarixindən 2 saylı Bakı DOST Mərkəzinin direktoru, 21 may 2020-ci il tarixindən 3 saylı Bakı DOST Mərkəzinin direktoru vəzifələrində çalışıb. 4 avqust 2020-ci il tarixindən Dayanıqlı və Operativ Sosial Təminat Agentliyinin İdarə Heyəti sədrinin müavinidir.
Evlidir, 3 övladı var.
Risklərin idarə edilməsi və daxili nəzarət departamenti müntəzəm və səmərəli fəaliyyətin təmin edilməsi, məqsədlərə nail olmaq üçün risklərin idarə edilməsi, daxili nəzarət sisteminin səmərəliliyini və adekvatlığını təmin edir.
Departamentin direktoru Natəvan Yusifovadır.
Hüquq Departamenti Agentliyin aparatı və DOST mərkəzlərində hüquqi aktların tətbiqini, hüquqi işlərin təşkilini və qanunvericiliyin düzgün şəkildə tətbiqini, eləcə də hüquqi yardımın təşkilini təmin edir.
Departamentin direktoru Azər Rəhimovdur.
Maliyyə və müqavilələr departamenti Agentliyin maliyyə siyasətinin, maliyyə strategiyasının və onun maliyyə sabitliyinin təmin edilməsi, maliyyə-təsərrüfat fəaliyyəti üzrə araşdırmaların aparılması və bu sahə üzrə digər işləri həyata keçirir.
Departamentin direktoru Həsən Babayevdir.
Satınalmalar və təminat departamenti Agentliyin tender və müqavilə siyasətinin və strategiyasının formalaşdırılması, eləcə də Agentliyin və DOST mərkəzlərinin maddi-texniki bazasının möhkəmləndirilməsi işlərini həyata keçirir.
Departamentin direktoru Xuraman Eyvazovadır.
DOST” mərkəzlərinin təşkili departamenti “DOST” mərkəzlərinin inzibati binalarının tikintisinin təmin edilməsi, bu istiqamətdə ilkin layihələndirilmə, layihə-smeta sənədlərinin hazırlanmasına nəzarət, zəruri rəylərin alınması, tikinti prosesinə cəlb olunmuş podratçı təşkilatlarla koordinasiyanın təşkili və nəzarət, ümumilikdə tikinti planına uyğun olaraq işlərin vaxtında aparılmasının və tikintisi başa çatmış yeni “DOST” mərkəzlərinin istismara verilməsinin təşkil edilməsi kimi önəmli vəzifələri yerinə yetirir.
Departamentin direktoru İbrahim Həşimov.
Çağrı Mərkəzi 142 təmsil etdiyi dövlət orqanının səlahiyyətlərinə aid olan sual xarakterli müraciətlər daxil olduqda, onların birbaşa cavablandırılmasını və şikayət (ərizə, təklif, məlumat) xarakterli müraciətlər daxil olduqda onları qeydiyyata almaqla araşdırılaraq cavablandırılması üçün aidiyyəti struktur vahidinə göndərilməsini təmin edir.
Çağrı Mərkəzi 142-nin baş koordinatoru Bəxtiyar Məmmədovdur.
Məlumatların idarə edilməsi və təhlil departamenti göstərilən xidmətlərin elektron reyestrinin aparılması və təkmilləşdirilməsinin təmin edilməsi, müşahidə, qeydiyyat və monitorinq aparılan məlumatların statistik uçotunun və təhlilinin aparılması, təsdiq olunmuş fəaliyyət strategiyasına və iş planına uyğun olaraq analitik dövri hesabatların hazırlanması və faəliyyət sahəsinə aid olan digər işlərlə məşğul olur.
Departamentin direktoru Şahin Zülfüqarovdur.
İnsan resurslarının idarə edilməsi və təlim departamenti Agentliyin insan resurslarının idarə edilməsi və inkişafı, habelə könüllü fəaliyyətin təşkili sahəsində siyasət və strategiyaları formalaşdırır və həyata keçirir.
Departamentin direktoru Nərmin Mirzəyevadır.
İctimaiyyətlə əlaqələr və kommunikasiya departamenti informasiya resursları sistemlərindən Agentliyin məqsədləri üçün istifadənin təmin edilməsi, fiziki və hüquqi şəxslərlə agentlik arasında düzgün, operativ və şəffaf kommunikasiya planlarının hazırlanması və tətbiqi, eləcə də struktur bölmələri arasında daxili kommunikasiyanın təmin edilməsini həyata keçirir.
Departamentin direktoru Şahin Əliyevdir.
Vətəndaş müraciətləri və sənədlərlə iş departamenti Agentlikdə sənəd (elektron) dövriyyəsi, kargüzarlığın və vətəndaşların müraciətlərinə baxılması, onların qəbulunun təşkili sahəsində təşkilati və nəzarət tədbirlərini həyata keçirir.
Departamentin direktoru İlkin Zərbəliyevdir.
İnformasiya texnologiyaları departamenti Agentlik daxilində müasir standartlara uyğun informasiya sistemlərinin yaradılması, tətbiqi və inkişaf etdirilməsi, müvafiq məlumat bazalarının yaradılması, genişləndirilməsi və mövcud informasiya sistemlərinə texniki dəstək göstərilməsi və s. işləri həyata keçirir.
Departamentin direktoru Nazilə Həşimzadədir.
Strateji planlaşdırma, beynəlxalq əlaqələr və layihələr departamenti Agentliyin strateji planlaşdırma prosesinin idarə olunması, yol xəritələrinin, inkişaf konsepsiyalarının və tədbirlər planının hazırlanması, Agentliyin fəaliyyət istiqamətləri üzrə beynəlxalq əlaqələrin qurulması, təşkilat və qurumlarla proqram və layihələrin hazırlanmasını təmin edir.
Departamentin direktoru Leyla İmanovadır.
DOST Xidmətləri departamenti DOST mərkəzlərində xidmətlərin vahid və əlaqələndirilmiş formada həyata keçirilməsi üçün müvafiq tədbirlərin görülməsini, DOST mərkəzlərində xidmətlərin “bir pəncərə”, həmçinin operativlik, vətəndaş məmnunluğu, şəffaflıq, nəzakətlilik, məsuliyyət və rahatlıq prinsipləri əsasında həyata keçirilməsini, eləcə də səyyar və sosial xidmətlərin təşkilini həyata keçirir.
Departamentin direktoru Aygün Musayevadır.
© 2021 DOST - Dayanıqlı və Operativ Sosial Təminat Agentliyi
